港聞

【Emily Online】梁繼昌家中焗爐小爆炸 滿地玻璃碎兼蛋糕報銷 網民:放咗部Note7入去? (12:44)

今日打八號風,唔少市民都安坐家中,立法會議員梁繼昌(Kenneth)都唔例外。但佢喺屋企焗蛋糕時,焗爐發生小爆炸,只見玻璃碎到一地都係,最慘係連入面嘅蛋糕都報銷埋。

其他報道:海馬西部眼壁漸近本港 風力仍會增強

其他報道:全日至少689班機取消或延誤 國泰港龍早上11時前航班正常

Kenneth話呢個焗爐已經用咗幾年,喺今個星期一先有人來維修過,仲要係德國製造嘅𠻹。佢話颱風都未打到嚟,點知自己就差啲被焗爐嘅小爆炸炸死。早前三星手機Note7屢次發生爆炸事故,就有網友問Kenneth喺咪放咗部三星Note7入去先搞到爆炸。

其他報道:幼稚園旅行每位200蚊係咪貴? 家長憶兒時彭福公園野餐

佢貼上facebook嘅相見到地下有好多玻璃碎片,焗爐入面仲有個焗模。Kenneth講笑咁話,唔駛勞煩黨友、法律界議員郭榮鏗幫佢點算損失,都已經知道焗爐入面嘅香蕉蛋糕一定報銷咗。

相關字詞﹕梁繼昌 編輯推介

上 / 下一篇新聞