港聞

下一篇
上一篇

【卸任後首專訪】曾蔭權立選後受訪談房屋政策 稱覓地很艱難 認為政府應接受市民批評 (10:48)

特首梁振英上任後,主打「重中之重」的房屋政策,但樓價仍高企,公屋3年上樓承諾未見兌現,政府指因上屆政府施政所致。上屆特首曾蔭權接受《AM730》專訪,專訪由今日起一連3日刊出,今日他在訪問中談到市民十分關注的房屋問題。

相關報道:讚董建華「為港做好多好事」 感恩市民對己支持 曾蔭權:做高職回報高代價亦高

相關新聞:憶許仕仁哽咽 重提金融風暴攜手「打大鱷」 視對方為終生好友

曾蔭權任特首治港7年,任內暫停賣地、停建居屋,令房屋供應驟減,他在專訪中表示,香港1999年金融風暴後面臨困境,中型住宅樓價下跌六至七成,市民擔心如房地產仍持續「猛谷」,賣地情況可能更惡劣,「都唔知會變咗咩樣,當時市民亦唔會支持」,故當時政府停止定期賣地及停建居屋。

曾蔭權說當時認為有關決定是準確的,「依家回想嚟睇,都要積極、積極開發新嘅地皮。」他認為,最艱難的工作是開發新地皮,「如果你問吓當時做房屋署嘅局長,或者問返(林)鄭月娥都係,佢做發展嘅,都係好艱難嘅事,去搵新地……要各方支持你好艱難,有環保人士、有地區人士,個別嘅既有利益,當你去發展新土地嘅時候係好困難……」

對於主打房屋政策的梁班子,暫時成效不大,曾蔭權認為房屋政策的樽頸位在土地開發,「移山又唔准,填海又唔准,所有綠化土地又唔准,加高亦都唔准,點算呢?同埋密度又唔能夠增加,所以係好大挑戰!」

他感慨每個政策都有好與壞,「人哋嘅批評你都要接受,有啲係啱,有啲冇咁準繩都未定,但市民批評你要接受!」

其他報道:【短片】網上瘋傳楊岳橋同娥姐親密照 網民稱心都碎埋 短片揭真相

其他報道:梁稱反我連任者多落選 建制指梁言論好怪 泛民批未瞓醒

其他報道:特首示好邀新丁議員飯局 眾志羅冠聰獲邀:與梁振英無乜溝通空間

相關字詞﹕編輯推介

上 / 下一篇新聞