港聞

下一篇
上一篇

【短片:Emily Online】近百網民慶祝王國興落選 帶午餐肉唱《喜氣洋洋》 撐王者不滿爆口角 (20:41)

工聯會議員王國興喺今屆立法會出戰區議會(第二)功能界別落選,今日中午舉行記者會時向支持者躬身致歉,而佢噚日亦堅定咁講未來會喺其他平台繼續服務市民。

有網民喺facebook成立「全港各界熱烈慶祝王國興落選委員會」專頁,話今晚7點去柴灣小西灣邨瑞益樓地下王國興議員辦事處慶祝,雖然活動有2000網民話出席,但最終大約100人到場,當中有人帶咗午餐肉、豆豉鯪魚同埋王國興黑白照,現場仲有人播放小鳳姐金曲《喜氣洋洋》,大家一同合唱,情緒高漲。

王國興喺議會多年,當然亦有唔少支持者,佢落選亦令一啲街坊好失望。網民舉行活動期間,有王國興支持者睇唔過眼,同網民發生口角,最終要有警員介入調停,好彩無爆發衝突。

其他報道:【短片】網上瘋傳楊岳橋同娥姐親密照 網民稱心都碎埋 短片揭真相

其他報道:【短片】鄺俊宇旺角街頭跳舞找數 網民要求跳「49萬秒」

其他報道:【短片】辦公室收匿名白色粉信 葛珮帆:兩女職員受驚 強烈譴責暴力威嚇

相關字詞﹕立法會選舉

上 / 下一篇新聞