港聞

下一篇
上一篇

【短片:Emily Online】鄺俊宇旺角街頭跳舞找數 網民要求跳「49萬秒」 (18:51)

民主黨鄺俊宇喺立法會選舉拎咗超過49萬票,成為超區票王,其後網上瘋傳一段佢幾年前跳街舞嘅表演,有唔少人仲跪求叫佢跳舞謝票,鄺俊宇初頭只係喺facebook貼咗張跳舞相「找數」,點知佢今日黃昏真係喺旺角街頭「找數」跳街舞,仲喺facebook直播,跳完一刻話「各位,我找咗數啦!」

其他報道:【短片】立會新丁多才藝 網民跪求鄺俊宇跳舞謝票 容海恩夾band高歌無難度

片段所見,鄺俊宇一開始跳咗唔夠5秒,即刻話「好啦,跳完啦,走」,但現場圍觀者似乎不滿,又話鄺俊宇淨係對住某一面,要求佢再跳過,結果佢再跳多一個動作一次,然後話「各位,我找咗數啦,唔好再追我數,但會應承大家,會keep住聆聽民意!」

不過網民似乎唔夠喉,有人「跪求立會開大會再跳」,仲話佢應該起碼跳返「49萬秒」,Emily忍唔住計吓,嘩,咁咪要跳成136個鐘囉。

鄺俊宇今日較早時喺fb上載一張跳舞相片,話當年第一份工係喺青少年中心,當時就以舞蹈同青少年溝通,因為「舞蹈係最好語言」。

其他報道:梁振英諷反其連任議員落敗 梁家傑「體諒」CY受習曾握手刺激失言

他報道:葛珮帆辦事處收匿名白色粉末辱罵信 報警求助

其他報道:【短片】西貢現鯨鯊片段瘋傳 網民憂鯨鯊BB走失了

相關字詞﹕編輯推介 立法會選舉

上 / 下一篇新聞