港聞

下一篇
上一篇

【Emily Online:選舉後】羅冠聰勝選 阿媽第一句問:做咩咁耐唔返屋企? (09:28)

年僅23歲嘅香港眾志主席羅冠聰以超過5萬票奪得港島區議席,仲成為香港史上最年輕立法會議員,佢話琴日返到屋企媽媽第一句話係:「做咩咁耐唔返屋企」。佢話其實家人唔支持佢嘅從政路,但最終都願意諒解,佢感激家人嘅體諒。

羅冠聰今日一早出席商台節目,當然係傾選舉。佢被問到噚日攞住5萬票返到屋企,媽媽有咩說話同佢講,原來羅媽媽嘅反應係:「紮花喺邊度買?」羅冠聰話,媽媽就係一般「基層」、「市井師奶」,比較少流露感情,但對於佢當選都係高興嘅。

至於這次選戰最多謝係邊個?羅冠聰話呢個好難答,但特別感謝Deanie姐(葉德嫻),話佢喺投票最尾一日陪住佢好多個鐘頭拉票,直到最後幾個鐘都陪住佢拉票。不過,佢話搵Deanie姐拉票唔係所謂策略,而係最後幾日先收到Deanie姐人搭人問有冇咩可幫到手,所以佢好感謝。

其他報道:李慧琼:無上帝之手配票 指民建聯工聯會是兄弟 但選舉變「激烈競爭者」

其他報道:王永平指羅劉朱當選具劃時代意義 林大輝:新興勢力具殺傷力

其他報道:網民稱明晚帶午餐肉賀王國興落選 指「慶祝完就做局長」

相關字詞﹕編輯推介 羅冠聰

上 / 下一篇新聞