港聞

下一篇
上一篇

【Emily Online之立會選舉】無綫唔報棄選新聞 通訊局接44宗投訴 (20:32)

立法會選舉結果塵埃落定,早前多名泛民候選人喺選舉前、上周五宣布棄選,但無綫新聞並無報道相關消息,令唔少網民不滿,通訊局話截至今日(9月5日)為止,共收到44宗相關投訴,主要投訴無綫選擇性報道新聞、自我審查、隱瞞事實等。

其他報道:【短片+多圖】葉劉座駕入中聯辦 後座全黑布遮蔽 逗留50分鐘離開

無綫企業傳訊部助理總經理譚錫揚就話,現時法例無棄選或退選機制,所有候選人有權選擇點樣拉票或宣傳,或者唔拉票、唔宣傳,選民亦有投票嘅自由,無綫新聞部有編輯自主,會按專業來處理每一宗新聞。

翻查資料,無綫當日嘅《六點半新聞報道》同《晚間新聞》時段,用咗較主要篇幅報道新加坡寨卡疫情,但無提及過候選人棄選嘅消息,其他新聞時段亦唔見有提,由於其他傳媒都大篇幅報道,所以無綫嘅處理手法,引起網民非議。

通訊局發言人話,截至今日下午5時止,共收到44宗有關無綫喺9月2日播出嘅新聞無提及候選人棄選報道,主要投訴內容為無綫選擇性報道新聞、自我審查、隱瞞事實、剝奪市民知情權、延誤選民掌握選情,對選民投票權利影響極大等。通訊辦正按既定程序處理有關投訴。本報打過電話畀無綫新聞部總監袁志偉,但至今未獲回覆。

其他報道:陳云根fb發文:永續基本法是真港獨 稱可在美國支援下執行港獨議程

其他報道:今屆立會選民多30萬 長者增兩成至110萬 66至70歲選民激增六成

其他報道:【立會選舉】新一屆立法會全面睇 70議員當選名單及得票

相關字詞﹕立法會選舉

上 / 下一篇新聞