港聞

下一篇
上一篇

【Emily Online】無綫App彈出超區票數 陳琬琛300萬票成票王 涂謹申得100萬票包尾 (01:31)

今屆立法會選舉投票數字破紀錄,其中太古城票站因為選民太踴躍,凌晨1時仲有700幾人排隊投票,但有網民向《明報》報料,表示收到無綫手機App以「立法會選舉最新情況」提示,點入之後有短片,片中顯示,9位超級區議會議席候選人名單,其中排第一嘅,竟然係早前宣布棄選嘅公民黨候選人陳琬琛!陳琬琛以逾360萬成為票王,而民主黨嘅涂謹申,就得大約101萬票包尾,而佢黨友鄺俊宇亦得161萬票,排尾二;至於頂頭大熱嘅民建聯李慧琼,就有181萬票排尾三。而短片右邊寫明「主要資料來源為選舉事務處」。

如果有關數字係真,超區當選者將會係陳琬琛、何啟明、周浩鼎、梁耀忠、王國興。不過,有關片段顯示嘅票數加起上嚟,有成2100幾萬票,單係陳琬琛所得的360萬票,已經多過晒超級區議會347萬選民嘅數字。所以網民相信,數字只係模疑測試時輸入,而有關短片其後亦落咗架,無得再睇返。

其他報道:雷動聲吶致歉 稱系統被入侵致信息延誤

其他報道:踏入午夜人龍仍在 太古票站逾千人排隊 選民:唔明點解咁慢

其他報道:梁振英:選舉充分體現公開、公平和誠實的原則

相關字詞﹕編輯推介 立法會選舉

上 / 下一篇新聞