港聞

下一篇
上一篇

【Emily Online之立會選舉】巿民問:點解要做「二奶」? 樹根尷尬微笑未回應 (18:25)

聽日就係立法會選舉投票日,早前同老婆去歐遊、排黨友張國鈞名單第二嘅民建聯鍾樹根,今日晏晝現身為民建聯拉票。不過唔係為自己名單拉票喎,而係為參選超區嘅黨友周浩鼎站台。拉票途中,點知突然有市民上前質問樹根:「點解要做二奶(排名單第二)?」眾人都嚇到呆一呆,樹根就尷尷尬尬咁,未有正面同嗰位市民對話。

其他報道:2016年立法會選舉候選人名單

民建聯今日中午喺炮台山為周浩鼎拉票,紮根喺港島東多年嘅鍾樹根都有現身。有位市民突然好大聲咁質問鍾樹根:「點解要做二奶(排名單第二)?之前明明應承過唔會做二奶架!」面對突如其來嘅質問,樹根同成個民建聯團隊都呆一呆。最後樹根就尷尬咁對住市民微笑,然後耍手擰頭咁示意唔會回應,同埋多謝嗰位市民嘅意見。

消失咗一排嘅樹根話返咗香港成個星期,但Emily好似都好少見佢喺街站拉票,樹根初時笑笑口話「撞唔啱啫」,其後又補充話自己密密打咗6000個電話幫手拉票,仲話「有用過企街站!」。被問到點睇張國鈞嘅選情,樹根反問:「民建聯(喺港島)攞一席都有問題?唔係掛,有我(喺)半個港島(的支持票)都夠啦!」。

其他報道:周浩鼎稱選情「千萬火急」 鍾樹根助拉票:打了6000個電話

其他報道:九東陳澤滔指不會棄選 信「港獨市場會愈來愈大」

相關字詞﹕立法會選舉

上 / 下一篇新聞