港聞

下一篇
上一篇

【Emily Online之選舉論壇】梁詠琪似唔似馬海倫? 容海恩:髮型都有啲似 (23:33)

立法會選舉新界東直選甚有睇頭,Emily今晚就睇咗一眾候選人都有出席嘅now選舉論壇,當中外貌一直成為網民話題嘅新民黨容海恩,就畀主持人問起覺得自己最似桂綸鎂、梁詠琪還是馬海倫,引嚟全場大笑。

其他報道:【短片:立會選舉】戴耀廷:「雷動計畫」明晚啟動 料5000名「策略選民」參加

曾經以「法律界桂綸鎂」自我介紹嘅容大狀,近日密密同網友交流,不時喺facebook素顏直播,同大家分享「容海恩之日常」,吸引唔少網民留言,外形再次成為話題。

今晚在now播出嘅新界東選舉論壇,主持問到「覺得桂綸鎂同梁詠琪似唔似」,容大狀未有被考起,淡定回應,「佢哋兩個呀?我諗都係有點爽朗嘅性格,性格上可能有少少似嘅。」主持再追問「梁詠琪跟馬海倫似唔似?」全場爆出一陣笑聲,容大狀則笑說:「馬海倫?都幾似呀,髮型都有啲似。」

到底似邊個自有公論,但係容大狀就覺得,似邊個都唔緊要,當主持問到:「你悄悄告訴我,你似邊個多啲?」容大狀就話,最緊要似返自己喎!咁到底邊個先係容海恩呢?容大狀話其實自己有好多變化,尤其政綱內可以顯示到自己係個多元化嘅人,所以就算自己有好多面,「每一個都係我真實嘅自己」。問到點形容自己立場,佢就話都係「有嗰句講嗰句」,屬於敢言嘅女性。

其他報道:2016年立法會選舉候選人名單

其他報道:【新東新西】港大民調:梁頌恆陳雲鄭松泰入局 5現任泛民未能連任

相關字詞﹕編輯推介 立法會選舉

上 / 下一篇新聞