港聞

【多圖:Emily Online】太空館外賞中秋綵燈 「飛奔到月球」 (23:21)

仲有兩個禮拜就到中秋節,康文署將會舉行專題綵燈展覽同埋綵燈會,其中展覽喺太空館外舉行,主題叫「飛奔到月球」,有唔同小動物同傳統神話人物,圍住太空館嘅半圓形建築,好似喺月球一樣,認真有意思。

其他報道:男子500元買牀褥後放女友家 分手後追討6200元敗訴 高院拒受理上訴

「飛奔到月球」專題綵燈展將於聽日(9月2日)至9月25日喺太空館外水池舉行。康文署話,展覽以可愛小動物飛上太空,同傳統神話故事人物嫦娥、吳剛、玉兔等相遇為主題,透過超現實和時空交錯嘅手法,引發無限妙趣奇想。

另外,仲會舉行3場中秋綵燈會,分別係9月15日喺維多利亞公園、9月16日喺天水圍公園及銀座廣場,以及9月17日喺大埔海濱公園舉行,到時會有由陝西省藝術團嘅大型民族歌舞同雜技,同埋廣東及本地工藝師傅示範傳統手工藝,例如珠繡、潮劇盔頭、長衫同花牌製作。3個地方嘅綵燈就會由9月14日開始展出,至18日結束。

其他報道:索K抱B害囝囝腸胃炎 27歲母虐兒判感化令 官冀靠意志重回正軌為子著想

相關字詞﹕編輯推介 中秋節 綵燈

上 / 下一篇新聞