港聞

【Emily Online】東鐵平均價格計埋羅湖 田北辰稱朱凱廸篤數 反被指取巧 (17:48)

新界西候選人新民黨田北辰喺facebook貼出「鐵路票價睇真啲 篤數抹黑冇咁易」的圖片,話另一候選人朱凱廸「西鐵訂價比東鐵貴」嘅計算錯誤,批評對方「只為選舉篤數誤導市民」。

其他報道:港大不做即時票站分析 鍾庭耀:政府續分化損中間專業機構信任度

Emily睇真啲兩人嘅計法,田北辰將羅湖都計埋在內,單係計多上水到羅湖,價錢就多咗29元到40元,所以田北辰得出東鐵全線每公里0.97元;而朱凱廸就只計上水至紅磡距離,全長37.7公里,票價11元,平均每公里0.29元。以佢地嘅計法,對比西鐵每公里0.64元,田北辰就係東鐵貴過西鐵同東涌綫,而朱凱廸就相反。

田北辰話,「東鐵本身有羅湖站補貼,如果東鐵計埋羅湖站,每公里實收近1蚊,比起西鐵每公里收6毫仲貴七成」,但指朱凱廸不理其解釋。

不過,田北辰嘅計法就被不少網民質疑,「不如由龍華計去羅湖重平喇」、「寫埋機場快線,包你全綫最貴」、「香港人日常生活你計埋羅湖做乜」。

朱凱廸則喺fb回應,仲二次創作咗田北辰原本話佢篤數嘅圖片,話田北辰計埋羅湖站先係取巧,「做緊一個誤導性的對比」,又指羅湖站補貼只補貼東鐵,對新西居民唔公道。

其他報道:2016年立法會選舉候選人名單

其他報道:周永勤fb稱投票日後「可以返港」交代 指梁振英回應可笑 「我的處境,他無可能不理解」

其他報道:汀九有人亂放生 獲救魚龜奄奄一息

相關字詞﹕立法會選舉 港鐵

上 / 下一篇新聞