港聞

【Emily Online之立會選舉】鄭錦滿稱特首質素要「好打得,官到無求」 被問修改基本法程序考起 (20:20)

now新聞台傍晚播出港島區選舉論壇,要求候選人喺幾個選項入面揀出未來特首需要咩特質。港島區熱血公民候選人鄭錦滿就認為要「好打得,官到無求」,鄭解釋要好打得,「係因為要為港人打保衛戰」。

其他報道:2016年立法會選舉候選人名單

主張「五區公投,全民制憲」嘅鄭錦滿,就被修改基本法程序考起,被問到口啞啞,仲要主持提醒答案可以喺熱血公民嘅「懶人包」搵到。

主持喺「記者提問環節」問鄭錦滿「修改基本法嘅程序係咩?」但佢就「遊花園」,只係介紹全民制憲為何物。當主持繼續追問程序,佢都係「遊花園」,仲話「唔係靠中央」。

主持就提醒答案其實可以喺熱血公民關於五區公投嘅「懶人包」中搵到,「係基本法159條」。被提點後,鄭錦滿就記得喇,答修改基本法係需要三分之二立法會議員、特首和人大同意。鄭錦滿都知道要港區三分之二人大通過,但被追問即幾多名人大時,鄭就答:「五區公投是集合港人意志。」

其他報道:高志森拍片撐李偲嫣有辯才:可做「反對派的反對派」

其他報道:疑吳氏宗親總會推薦名單曝光 直選點名葉劉、容海恩、黃國健、梁美芬、何君堯

其他報道:3政府工會聯合發信籲會員投票 選為公僕發聲議員

相關字詞﹕立法會選舉

上 / 下一篇新聞