港聞

【有片睇:Emily Online】中國女排打得又唱得 民政局fb爆運動員訪港幕後花絮 (19:09)

國家隊奧運精英運動員今日結束3日訪港之旅轉赴澳門,或者係怕市民唔捨得,民政事務局官方facebook今日下午就貼出金牌運動員訪港嘅幕後花絮,更獨家播出中國女排喺旅遊巴唱歌嘅情況。

呢條約一分半鐘嘅片段,只見女排成員人人都對住電話大開金口,歌聲輕柔,原來中國女排唔止打得,都仲好唱得喎,連個fb小編都忍唔住標籤「中國好聲音」。

Emily上網搵搵,發現佢哋唱緊嘅歌叫做《年輕的戰場》,歌詞唱道:「今天我,終於站在這年輕的戰場,請你為我,驕傲鼓掌,今天我,將要走向這勝利的遠方,我要讓這世界為我激蕩」,相信佢哋都係憑歌寄意,希望大家繼續為佢哋加油。

其他花絮相都值得一睇架,就好似中國女排攔網咁犀利,皆因成員個個都係高妹,究竟有幾高呢?睇其中一張民政事務局長劉江華同女排成員見面時嘅相,就見到袁心玥足足高佢一個頭,兩人企埋一齊真係相映成趣。

其他報道:【圖輯】與學生跳大繩打羽球 傅海峰寄語港生勿一步登天 指「若需要我,可以為港效力」

其他報道:【圖輯】女排馬鞍山歡樂「授課」 郎平勉青年信自己:艱難也要堅持

相關字詞﹕女排 里約奧運

上 / 下一篇新聞