港聞

【Emily Online】曾俊華fb貼香港賽艇運動員合照 網民不識貨追問:香港運動員呢? (23:21)

出征里約奧運的國家精英運動員今日起訪港3天,政府傍晚喺禮賓府舉行歡迎酒會,行政長官梁振英伉儷同多位高官都有出席,而財政司司長曾俊華、律政司司長袁國強同民政事務局局長劉江華等等都在場。財爺曾俊華後來喺個人facebook上載5張運動員合照,當中第一張就是同香港賽艇運動員合照,其餘4張就係同國家運動員合照,當中包括羽毛球手「超級丹」林丹,以及乒乓隊金牌選手馬龍同丁寧,同埋最多人認識的「洪荒少女」傅園慧。

Emily翻看新聞處發放嘅相片,禮賓府台上台下都唔見香港運動員,仲以為有關場合只招待國家精英運動員。但其實特首梁振英fb都有貼到同香港劍擊運動員江旻憓正在自拍合照;而同曾俊華合照嗰3位就係香港賽艇隊精英,分別係李婉賢、李嘉文同埋趙顯臻,以上4位香港運動員全部都份出戰今屆里約奧運。

香港運動員缺乏資源,知名度唔夠高,加上混雜喺國家精英運動員之間,難怪網民一時間唔認得,好多人仲喺fb留言追問「香港運動員呢?」,又認為特區政府與其花錢歡迎國家精英運動員,不如投放更多資源培養香港運動員,提高佢哋待遇更好。

其他報道:【精英運動員訪港】梁振英稱港人為國家隊奧運成績感驕傲 指港府非常重視體育

其他報道:【精英運動員訪港】晚宴六菜一湯 菜式來自大江南北 林鄭指代表民族多元 

其他報道:【短片+表情包圖輯:精英運動員訪港】背包掛滿公仔 童真傅園慧指來港感覺好

其他報道:【圖輯】林鄭機場迎精英運動員:反映兩地人民情深 小學生戴紅帽持國旗獻花

相關字詞﹕編輯推介

上 / 下一篇新聞