港聞

下一篇
上一篇

【選舉論壇】「我做局長時王維基好巴結我」 葉劉指王撐23條 王:你認錯人 (15:00)

距離立法會選舉只餘下約一星期時間,無綫今午播出昨早錄影的港島區選舉論壇,新民黨葉劉淑儀及王維基就23條立法針鋒相對。葉太在自由辯論環節,突然表示「我做局長時王維基好巴結我,佢話23條佢撐我」,這句話令全場嘩然,而王維基就以一句「我諗你認錯人」斷然否認。

其他報道:2016年立法會選舉候選人名單

面對被葉太點名,王維基隨即反駁:「我幾時見過你啊葉太?」葉太續說:「我見過你,喺酒會你話我撐你,你會巴結我,不過你係雙色龍。」王則回應指:「我諗你認錯人,我冇見過你」,其後又說「唔好咁樣屈我,葉太!」

葉太對這問題並未放手,經過其他候選人一輪辯論後,她再次回到話題上,「你日日講大話,你當年撐我,我記得好清楚,因為當時冇咩人撐我,你話你唔記得我,係咪識得女性朋友太多?」但由於王維基只剩下9秒發言時間,故他未再回應葉太。

另外,對於葉太競選口號「贏返香港」,王維基在主場環節質疑「實際係邊個輸咗香港?」他指葉太過往擔任4年行政會議成員及8年立法會議員,「每日陪住梁振英」,有份參與制定香港政策,質問她「幫梁振英做事定幫香港人做事?」

王維基提出問題期間,葉太疊聲反駁:「基本事實都未搞清,我邊會每日陪住梁振英」。她又說自己任期內做過很多事,「下周就有間港島學校校長多謝我避免殺校」。

王維基昨晚已急急在facebook解畫,稱自己13年前不在政圈,與葉太不相識,「點撐強推23條啊?」他又強調,自己2003年七一有跟子女一齊參與遊行,重申「反對23條在沒有社會共識下強行立法」。

其他報道:陳玉娥「譴責」長毛索其相片放牀頭 長毛否認:呢個係我清譽

其他報道:【短片+表情包圖輯:精英運動員訪港】背包掛滿公仔 童真傅園慧指來港感覺好

相關字詞﹕立法會選舉 編輯推介 23條

上 / 下一篇新聞