港聞

【Emily Online之立會選舉】何君堯斥網民諸事八卦爆陰毒 反擊學歷質疑:總之就唔係野雞 (20:50)

立法會候選人學歷不時成為網民焦點,出選新界西嘅何君堯早前被質疑學歷,佢前晚就喺facebook直播「還火」,批評有人「諸事八卦」,「爆陰毒」係出於「心理上缺陷」,鍾意搵人弱點攻擊,「喺屎坑專係諗屎橋」咁話。佢形容攻擊學歷係「無必要」,強調自己係LLB(法學士)畢業,反斥「你唔好理我出處喺邊度,總之就唔係野雞,okay?」

其他報道:2016年立法會選舉候選人名單

何君堯喺個人網站,話自己1984年喺「英國州瑪高等教育學院(即現今的安格裡亞魯斯金大學)」畢業,攞到榮譽法律學士學位。不過有網民質疑,學院喺1992年先正式成為大學,認為何君堯當年攞嘅或者唔係學士資格。

何君堯前晚無明確交代學歷出處,但就反駁「如果你批評我嘅,你望吓自己學歷喺邊度先」、「你返去讀吓書,睇吓自己智慧喺邊度有所提升」。佢形容有人諗住「爆陰毒」,但最後只會「爆死自己」喎。

抬轎出戰新西嘅人民力量陳偉業,噚日就疑似乘機抽水,喺fb上載由「櫃筒(桶)底」搵到嘅小學畢業證書,同1980年嘅大學畢業相,證明自己學歷,但就笑言仲未搵返當年碩士畢業嘅證明。

其他報道:陳雲稱發起白宮聯署成功撤回「網絡23條」 鍵盤戰線蔡麒:FF夠未?

其他報道:教協否認會員過檔IT界種票 斥報道無中生有

相關字詞﹕立法會選舉

上 / 下一篇新聞