港聞

下一篇
上一篇

【Emily Online】陳雲稱發起白宮聯署成功撤回「網絡23條」 鍵盤戰線蔡麒:FF夠未? (16:36)

不少政治人物會透過公布「成功爭取」,話畀市民知佢有乜政績。參選立法會新界東直選嘅陳雲(陳云根)亦喺宣傳單張話自己就俗稱「網絡23條」嘅《版權(修訂)條例草案》發起白宮聯署,同埋派代表去美國領事館請願,成功逼令政府撤回草案,不過佢呢個「成功爭取」,就即時喺網上引發爭議。

其他報道:2016年立法會選舉候選人名單

其中當時極力反對法案通過嘅其中一個組織「鍵盤戰線」,其法律顧問蔡麒就喺facebook貼出陳雲嘅單張,留言話:「有D人真係唔知『醜』字點寫,仲要印係(喺)宣傳單張,你逼令?FF(網絡用語,意指幻想)夠未?」

蔡麒話無一個政黨敢唔提鍵盤戰線喺事件中嘅努力,質疑陳雲竟然歸功自己,更爆粗叫陳「返青山啦!」有網民表示認同蔡麒,認為陳雲嘅做法過分,有人重提當時其實時任美國駐港澳總領事嘅夏千福都支持草案通過,反問陳雲話向美國爭取,於事件中究竟有何作用。

Emily正向陳雲了解事件,暫時未獲回覆。

其他報道:【內地婦涉襲港人母女】表證成立 被告指對方邊拍片邊罵「大陸鬼,將你全家擺上網」

其他報道:朱振國妻與警務處和解 未透露賠償金額 首見行兇者:絕不原諒

相關字詞﹕編輯推介 立法會選舉

上 / 下一篇新聞