港聞

【Emily Online】香港寬頻「加假」 產假增至16周 侍產假放足兩星期 (20:57)

打工仔聽到加價加價,一定牙痛咁聲,不過香港寬頻剛宣布嘅「加假」,一定受打工仔歡迎。香港寬頻今日宣布員工假期「升級」,其中全薪產假增至16周,咁新手媽媽就可以湊BB過百日先返工,而爸爸侍產假亦增至14日,足足係法定3日嘅3倍有多。

其他報道:為爭「私人」空間 媽媽搭車泵奶

未做爸爸媽媽嘅員工,現時已享受嘅每個月一日提前下班日,即揀個星期五提早收工兩個鐘,會再「升級」至每個月其中一個星期五返半日,12點半已可收工。至於準備結婚嘅員工都有好消息,就係婚假將會增至5日。

香港寬頻CEO楊主光話香港好少公司咁大力投資推動員工嘅工作生活平衡,但公司就認為人才開心,就會轉化成公司強勁增長嘅動力,希望今次「加假」可以起到帶頭作用,其他僱主見到都會加入佢哋行列喎。

其他報道:【圖輯:金牌健兒訪港】大批市民撲飛 操普通話女自言「張繼科女友」  要求記者幫「合照」

其他報道:【Emily online】警訊儼如MV吸睛 網民:「睇完今集我一定記得鎖匙唔好擺地氈底。」

相關字詞﹕編輯推介

上 / 下一篇新聞