港聞

下一篇
上一篇

【Emily Online】新界東女將文宣戰 容海恩:法律界桂綸鎂就是我 葛珮帆博士變碩士 (20:00)

立法會選舉報名期結束,其中以新界東戰況最激烈,選管會一共收到24張名單力爭9個席位,為加深選民印象,候選人除咗落區打招呼,亦開始大打文宣戰,印製或在網上放上宣傳單張向選民硬銷政綱,其中兩名競逐新界東議席嘅女將,包括新民黨容海恩,以及現任議員的民建聯葛珮帆,除咗放上靚相外,自我介紹時都各見心思。

其他報道:莊偉忠加盟康宏網民唔Like 質疑「退休論」借老婆過橋

其中容海恩不單止在「工作報告」羅列各項政績,力Sell自己係執業律師重視法治,為人仲爽朗兼不拘小節,最特別係佢話自己被起咗好多綽號,明言「法律界桂綸鎂就是我」,佢又自稱常被指外表似梁詠琪、吳綺莉或袁詠儀等,佢就話自己最似自己,希望大家認得佢兼叫吓佢個英文名Eunice。

既然要推銷自己,理論上應將自己最好嘅一面列出來,不過曾被質疑博士學歷嘅葛珮帆,喺fb上載嘅選舉海報就自稱為「婚姻與家庭治療碩士」,即學歷反而「降呢」,由博士變碩士,Emily有搵佢回應講吓點解,不過葛珮帆就暫時未覆。

睇返葛珮帆嘅海報,佢就以老子《道德經》中的「上善若水」為主題,力銷自己謙卑包容,剛柔並重。

立法會新界東參選名單包括民主黨林卓廷、新民黨容海恩、本土民主前線梁天琦、無黨派方國珊、自由黨李梓敬、民建聯葛珮帆、工黨張超雄、新民主同盟范國威、民建聯陳克勤、鄉事派侯志強、工聯會鄧家彪、公民黨楊岳橋、社民連梁國雄、人民力量陳志全、民主思路麥嘉晉、正義聯盟李偲嫣、無黨派廖添誠、香港復興會陳云根、無黨派陳玉娥、獨立候選人黃琛喻、獨立民主派鄭家富、全民在野黨李慨俠、無黨派陳國強及青年新政梁頌恆。

其他報道:稱特首是「衰工」曾德成勸勿參選 曾鈺成寧做行會召集人

其他報道:【Emily Online】曾鈺成大爆CY教路 「魚缸理論」避記者

相關字詞﹕編輯推介 立法會選舉 新界東

上 / 下一篇新聞