港聞

下一篇
上一篇

【Emily Online】莊偉忠加盟康宏網民唔Like 質疑「退休論」借老婆過橋 (17:17)

一向備受打工仔愛戴嘅前一田行政總裁莊偉忠,今年3月驚傳離任消息,並於5月離開一田,令網民震驚,不少人紛紛猜測佢嘅去向,有人估一向關心社會時事嘅佢,可能係部署選立法會,憧憬佢走入議會帶來新衝擊,有人就估佢太敢言被請走,在紛紛擾擾下,莊偉忠就稱自己「退休陪老婆」,話要停下來思考下一步,「將來用另一種形式貢獻社會,又可維持穩定收入」。

其他報道:莊偉忠加盟康宏金融 出任行政總裁

不出3個月,莊偉忠新去向就揭盅了,康宏金融集團剛宣布委任佢做新任行政總裁,即時生效,消息一出一度利好股價;又引述莊偉忠話,佢覺得自己同康宏主席理念一致,同樣鼓勵走出框框,以創新思維帶動業績。

不過唔少網民就唔係咁睇,有人質疑佢之前離職理由只係推託,「又話陪老婆,原來係轉工」,笑言男士們都愛借老婆過橋;有人認為一切都只是公關,信晒實在太天真,有人認為該公司銷售手法曾被質疑,認為佢加盟,最終會影響自己好老闆形象。

其他報道:腦癌男不懂認路 沙田失蹤逾30小時 家人急尋

其他報道:新聞處FB提「李氏力場」 網民:官方承認了?

相關字詞﹕編輯推介 莊偉忠

上 / 下一篇新聞