港聞

下一篇
上一篇

【Emily online】李家鼎大仔李泳漢伙拍符偉樂參選九西 (23:38)

立法會選舉提名期展開,報名嘅除咗政黨人士,亦有唔少獨立人士參選,好似資深藝人李家鼎嘅大仔李泳漢,今日就伙拍前泛民人士符偉樂一齊報名參選九龍西。

其他報道:【短片:立會選舉】何君堯鄉議局閉門會議拜票 被當眾鬧「無資格、面皮厚」

Emily暫時未能聯絡李泳漢,但就搵到符偉樂問過究竟。符話佢喺2009年時處理法團事宜認識李泳漢,對方一直對政治有興趣,喺美國讀政治之餘,亦曾為共和黨助選,又話李泳漢曾經參與佔領運動,又不滿樓價貴未能置業等,所以早幾星期同李泳漢傾開,認為對方既然不滿政府政策,不如參選。符話自己喺政圈、擔任議員助理逾20年,對政界都有一定認識,所以都「幫吓手」。

選舉經費方面,符偉樂坦言李泳漢剛為人父都無乜錢,所以為對方籌咗10幾萬,仲要再籌多啲,而自己有親戚做印刷廠,對方願意「有拖無欠」咁幫佢印單張喎。

李泳漢當年係童星出身,早年曾經自稱有「天眼通」,睇到藝人鍾欣潼(阿嬌)係佢前世老婆等,相信呢啲新聞大家都有印象,而李泳漢今年初亦同娛圈外人結婚,剛剛做人父親。翻查資料,李泳漢曾經加入人民力量,2011年時亦報名參選區議會,惟最後因家庭問題退選。

其他報道:【多圖+短片】梁錦松指一國兩制香港獨有 信中央無意使香港「內地化」 稱暫無計劃選特首

其他報道:【立會選舉】或自動當選金融界議員 中銀陳振英:不想再讓人覺得業界代表不專業

相關字詞﹕立法會選舉

上 / 下一篇新聞