港聞

下一篇
上一篇

【Emily Online:書展開鑼】書迷買唔到寫真好失望 雞排妹fb回應:太可愛,下月來港要合照 (18:55)

書展今日開鑼,排第2位嘅朱先生凌晨3點就到場,佢話咁早到係希望買台灣模特兒「雞排妹」鄭家純嘅寫真,仲話雞排妹講到明今次係最後一本寫真集,「怕遲咗去,首批會賣晒,早買早享受」。不過朱先生最終好夢落空,話入場搵過先發現原來出版社無賣雞排妹寫真集,唔死心嘅佢,唯有喺場內再搵一搵。

網絡世界搭通全球,朱先生嘅故事好快就傳到去台灣,雞排妹亦留意到呢個香港忠實粉絲嘅存在,喺個人facebook分享咗《100毛》關於朱先生嘅圖片,留言回應話透過媒體見到朱先生失望而回嘅圖片「今天看到這張圖我一直在笑」,仲大讚朱生好可愛。

雞排妹解釋,其實佢本寫真宜家喺香港無得賣住,就算喺台灣都只係預購中,今個月27日先正式上市,8月中會去香港搞簽書會,叫香港粉絲一係去台灣書網訂購,又或者等下個月簽書會先買。佢仲特別向朱先生講,如果簽書會見到佢,要同佢合照添。

知道雞排妹咁關心,朱先生都喺雞排妹fb現身,話見網上有人指書展有售先入場,結果搵完全場都唔見,連記者都有幫手搵,佢嘅出現令不少網民起哄,雞排妹都即刻覆佢,話會叫同事聯絡佢,下月嚟香港會寄一本畀佢。

相關報道:【短片+多圖:書展開鑼】為買「雞排妹」寫真排足7個鐘 朱生:早買早享受

其他報道:【Emily Online】石永泰原來係林日曦粉絲 最鍾意Dickson夠毒 狂掃毛記書

相關字詞﹕編輯推介

上 / 下一篇新聞