港聞

【短片:Emily Online】蔣麗芸報名參選 被問是否撐梁振英連任:唉!講咗好多次㗎啦! (17:10)

民建聯立法會議員蔣麗芸(Ann)今日遞表,參與九龍西地區直選競逐連任。民建聯主席李慧琼亦到場支持,Ann姐表明對選情有信心,「希望一張名單帶晒5席!」

其他報道:【德國火車斬人】港人遇襲 大公社評:不幸中大幸是香港已回歸祖國

不過,被問到當選後支唔支持梁振英連任,Ann姐就只拋低一句:「唉!講咗好多次㗎啦!」旋即轉身離開,記者叫都叫唔住!

來自九龍西嘅多名民建聯區議員亦為Ann姐站台,並送上3樣「法寶」:包括代表高瞻遠矚、觀察入微嘅望遠鏡;喻意耳聽八方嘅耳筒;同埋代表敢言嘅大聲公。不過唔知係咪為方便傳媒拍攝,所有法寶都化為加大版圖片,印喺紙板上面。

Ann姐遞表時正值中午,但都舉行「亮燈儀式」,同眾人手持印上立法會大樓外貌的紙牌,貼上寫有「為理發聲」字樣的貼紙,牌上嘅LED燈馬上亮起,喻意「點亮立法會」。

佢向支持者發言時就批評,現時議會入面有「歪風」。Ann姐之後被記者追問時就話:「有啲議員反對反對到傻咗,拉布拉到無晒理性」,令關乎醫委會改革嘅草案不能通過,拖垮後續議程嘅消防及私營骨灰龕條例,「廣大市民係非常之反感!希望將呢啲邪氣歪風嘅議員踢出議會!」

表明會簽選管會確認書擁護《基本法》同效忠香港特區嘅Ann姐又被問到,確認書係咪清除某啲政治取向嘅議員,佢就話對方想加入議會都係想為民服務,「支持一國兩制有咩唔妥呢?」

其他報道:【中大生換心】倬朗病情反覆 須重新依靠心肺機 新亞院長籲師生送祝福

其他報道:何韻詩演唱會獲逾200單位贊助 遍佈兩岸 上海公司:雖身處國內,有些東西仍需支持

相關字詞﹕編輯推介

上 / 下一篇新聞