港聞

下一篇
上一篇

【Emily Online】經民聯烈日下誓師 梁美芬穿「粉紅戰衣」稱為民生而戰 張華峰誤呼「民建聯好友」 (16:46)

經民聯以「促經濟、惠民生、撐香港」為口號,喺政府總部隔離嘅露天公園舉行立法會選舉誓師大會。經民聯多位立法會參選人都有出席,包括即將報名參選鄉議局功能組別嘅鄉議局主席劉業強。

其他報道:何韻詩演唱會獲逾200單位贊助 遍佈兩岸 上海公司:雖身處國內,有些東西仍需支持

佢哋邀請咗大批政商界人士站台,包括工總主席鄭文聰、副主席林宣武、互聯網專業協會會長洪為民、旅議會主席胡兆英等人。不過正值中午時間,各位支持者都西裝骨骨,睇到都覺得熱。在旁嘅經民聯監事會主席林建岳更喺暴曬下面容通紅。

雖然撐場嘉賓陣容鼎盛,不過由於太多嘉賓要逐一發言,不少年紀較大嘅支持者都難頂酷暑,暫離會場,搞到台下得寥寥幾人。

唔知係咪曬到暈,金融界參選人張華峰發言嗰陣竟將經民聯講成民建聯,大呼「各位民建聯嘅好友!」。搞到在旁嘅司儀同岳少都要急急提佢講錯嘢。佢先反應過來,話唔好意思,自己太緊張口誤。

而九龍西地區直選梁美芬今日最上鏡,事關佢同選舉團隊唔跟大隊著制服,而係有自己一套「粉紅戰衣」,話希望為民生而戰,帶香港向前走。

其他報道:【Emily Online】石永泰原來係林日曦粉絲 最鍾意Dickson夠毒 狂掃毛記書

其他報道:【德國火車斬人】港人遇襲 大公社評:不幸中大幸是香港已回歸祖國

相關字詞﹕經民聯 立法會選舉 編輯推介

上 / 下一篇新聞