港聞

【短片:Emily Online】石永泰原來係林日曦粉絲 最鍾意Dickson夠毒 狂掃毛記書 (12:59)

近年書展風頭躉「黑白毛記」攤位,今年繼續旺場。Emily發現,喺排隊搵「腦細」林日曦簽名嘅「粉絲」當中,竟然見到西裝骨骨嘅資深大律師、香港大律師公會前主席石永泰!

相關報道:【書展開鑼】為買「雞排妹」寫真排足十個鐘 頭位朱生:早買早享受

Emily留意到,石大狀一次過買晒「腦細」8本大作,原來佢一向都有睇開《100毛》同毛記電視,相當貼地。雖然「腦細」貫徹「黑面」本色,但石大狀似乎一啲都唔介意,依然笑容滿面,「我唔係特登嚟揾人嘅,不過佢喺度咪揾佢簽名」。

問到最鍾意邊位毛記主播,石大狀笑笑口話係「專家」Dickson,鍾意佢夠「毒」,今日都有買佢嘅《愛情的二十二道陰影》,可惜Dickson今日唔喺攤位,無得現場交流,「(見唔到)都唔會特別惆悵嘅」。

石大狀話,星期六仲會再同囡囡嚟書展,「今日買咗自己書先」。

其他報道:【Emily Online】夏千福拍片話別稱「愛港一萬年」 回應網民:曾經,有一份壽司擺喺我面前......

其他報道:與母同行疑突走出馬路 6歲男童遭的士捲車底輾頭亡

相關字詞﹕書展 石永泰 林日曦 毛記電視 100毛 編輯推介

上 / 下一篇新聞