港聞

下一篇
上一篇

【Emily Online:立法會選舉】夏蕙BB話考慮參選 政綱只講民生:講太多做唔到無謂啦 (18:43)

近年經常關注社會議題嘅黃夏蕙,今年1月已暗示過想選立法會,獲不少網民留言支持,佢噚日在facebook留言透露有意參選,話自己依家先知要集齊100個選民提名先可參選,問有無網民願做提名人。佢仲提到政綱只會講民生問題,因「民以衣食住行為先」,仲話「講咁多政綱,做唔到就無謂啦,係唔係?」

其他報道:屯門老人科開荒醫生:醫身也要醫心醫靈魂

不過夏蕙BB就似乎有少少搞錯咗,佢留言時話自己會「空降灣仔」,即時有粉絲提佢,一選就全香港島,佢都好有禮貌話知道。

呢個消息隨即吸引到唔少網民注意,至今日下午5點,已獲1400個人表態,當中9成表示「讚好」同「勁正」,最犀利係零「嬲嬲」,即暫時未見有人對佢參選表示反感喎。

唔少網民都話一定會支持夏蕙BB,有人話100個提名對佢嚟講係easy job,佢就好謙咁話都未必,一定要有好計劃;有人擔心佢應付唔嚟,提佢政治好黑暗,佢就笑言:「哈哈,夠老娘隻眼咁黑咩?」嗰個網民就繼續好認真咁話知佢係好人同熱心,叫佢為名譽着想,因「政治素人好易被人利用」。

最好笑係有男網民留言話會「瞓身力撐」,點知夏蕙BB不改幽默本色,即時答佢「真係瞓身?不過我唔上床嫁(架)」,該男網民亦搞笑回覆,反問佢係咪「瞓開地板?」

不過亦有人重提佢年初發生旺角大衝突時曾批評示威者擲磚,諷刺佢係藍絲帶女神,夏蕙BB就好大方咁叫大家唔好分顏色,話感覺到世界經濟又會「跌鑊甘」,認為首先要減低民怨,渡過經濟困局;有人問佢參選擔唔擔心共產黨會唔高興,佢就搞笑話「家有一老,如有一寶」。

其他報道:指女兒姿勢性感 下體掃大腿內側 父非禮罪成囚2年4月 法官斥「噁心」

其他報道:引「內部消息」稱申搜令取種票證據遭拒 違辦案原則 林卓廷質疑廉署放生建制派

相關字詞﹕編輯推介 立法會選舉

上 / 下一篇新聞