港聞

【Emily Online:文憑試】勉勵同學「條條大路通羅馬」 CY網誌:內地84間高等院校免試招港生 (22:38)

中學文憑試今日放榜,唔少名人藝員都喺網上鼓勵同學仔如成績未如理想,都唔好放棄,當中包括特首梁振英。

相關新聞:【文憑試】聖保羅失明生獲佳績:我還有耳朵,會比其他人更用心更叻

佢傍晚喺facebook貼上網誌連結,呢篇網誌以「條條大路通羅馬」為題,勉勵同學仔可「利用多元、靈活和多階進出的升學和就業途徑」,除咗列出喺本地升學嘅學額外,CY仲特別提醒宜家內地84所高等院校,都已經免試招收香港學生。

盛傳會爭取連任嘅佢,亦不忘提吓佢任內力推嘅創科局,強調政府「一直努力為青年人提供新的和多元的事業發展出路」,話去年底克服立法會多次拉布,終成立創新及科技局,目的正係要多元化地發展香港的產業,又話噚日財委會亦批出20億創科創投基金,有助年輕人將來投身創科產業。

CY最後都有循例勉勵吓學生仔,考試成績唔係決定前途嘅唯一條件,叫同學們可以因應自己的興趣和各方面的能力,努力拼搏以邁出新階段嘅第一步。一如以往,呢則帖文上載facebook 3小時,已吸近900「嬲」,不過就未有人留言,唔知同學仔覺得佢嘅資訊同鼓勵實唔實用呢?

其他報道:【網上熱話】資訊科技聯會搞「全港I.T. 女神選舉」 公布一日即擱置

其他報道:【California FITNESS停業】前董事王炳權現身控訴蝕7000萬:我先係真正受害者

相關字詞﹕文憑試 梁振英

上 / 下一篇新聞