港聞

【Emily Online】士氣大受打擊 廉署押後周年晚宴 去年白韞六李寶蘭同台高歌 (20:49)

廉署查案「一姐」即執行處署任首長李寶蘭上星期被取消署任及離職,引發廉署大地震,噚日又發生「明日之星」嘅首席調查主任高迪龍(Dale Ko)辭職事件。Emily收到消息,廉署今日內部通知同事,原定在周五舉行的周年晚宴,都要延期。

消息話,廉署近日發生咁大嘅人事變動,大家都無心機搞慶祝食飯,加上早前又傳出廉政專員白韞六同執行處首席調查主任級以上人員就李寶蘭事件會面時氣氛緊張,為免有發生不愉快情況,甚至可能大量人員缺席的冷清場面,最終決定改期。

Emily聽講,周年晚宴係一年一度全個機構同事可以聚首,食番餐好嘅場合,今年原訂一如既往喺北角廉署總部嘅canteen舉行,上個月已經賣晒飛。

睇番廉署年報,都有提到舊年周年晚宴,仲有相片影到白韞六帶領廉署管理層,包括李寶蘭在內喺台上一齊高歌,為晚宴揭開序幕,相信真係此情不再喇。

廉署回覆就話,廉政公署職員康樂會經審慎考慮同事反映嘅意見,周年晚宴將另擇適當日期舉行。

相關新聞:

涂謹申質疑白韞六 違反署內高級人員任免安排

涂謹申質疑內部守則削查涉特首案 廉署:每宗案一視同仁

「明日之星」高迪龍請辭 查錫我稱不尋常

「明日之星」首席調查主任高迪龍辭職

相關字詞﹕編輯推介 廉署大地震

上 / 下一篇新聞