港聞

【特首跑馬仔】評林鄭葉劉財爺 張堅庭:曾俊華係首選  (13:01)

導演張堅庭不再「挺梁」,談到有可能參選下屆特首的財政司長曾俊華、政務司長林鄭月娥,以及新民黨主席葉劉淑儀,他說「曾俊華係我首選」,他又品評3人的外表、談吐和工作等方面。

其他報道:王永平引張德江「法治論」談UGL:法律面前人人平等

張堅庭在電台節目中表示,不論在政治操作還是社會需要上,曾俊華都是首選,他有本土意識亦有足夠技巧處理與中央的關係,現時中央實行政治同經濟並駕齊驅,曾在經濟方面的駕馭能力強,給人信心,「同埋香港人鍾意吖嘛,佢又某程度上表現到本土嘅嘢……喺政治上、社會上、國際上都可接受,係我嘅選擇」。不過,在表達技巧方面,「其實佢講嘢麻麻哋,甩甩漏漏」,但認為現時港人適合「蠢蠢哋」的人,「經過幾年洗禮,大家都知講嘢好叻嘅人,判斷能力同執行唔代表好叻嘅」。

至於林鄭月娥,「佢有段時間都幾好,我記得佢有個訪問流晒眼淚攞到分嘅,但係當佢一唔開心嗰陣時,或者畀人攻擊得太緊要嗰時,佢個眼神都係心底裏有啲虛怯,佢要有啲專人幫佢喺著衫到執下,佢有時著衫古怪過頭」。對於說過一定不會參選的林鄭月娥,近日表現令人感覺有參選念頭,「唔好咁易話唔參選,到要轉軚時有啲難度……市民都有啲驚驚哋,對誠信要求高,我覺得(林鄭)好唔自然」。

葉劉淑儀一直被指想做特首,張堅庭覺得她是典型政客,「選民、老細要佢做乜,佢完全可以執行到」,他又覺得葉劉淑儀的表達技巧有進步,但仍好「炆水」,「佢先天樣貌親和力唔夠,佢講嘢講到咁上下,眼神就會厲視、嘴藐,雖然佢服裝已經做咗好大改良」。

其他報道:【短片】港鐵兩車廠疑被潛入 多列列車被塗鴉仍如常運作

其他報道:【廉署大地震】「明日之星」高迪龍請辭 查錫我稱不尋常

相關字詞﹕特首跑馬仔 編輯推介

上 / 下一篇新聞