港聞

【短片:Emily Online之里約奧運】港隊團長霍啟剛外套與區旗紅地毯「撞色」 梁振英致辭提政府重視體育 (21:44)

巴西里約熱內盧奧運下個月就揭幕,港隊將會派出36人出戰,希望盡全力為港爭光。特首梁振英今日喺禮賓府向香港奧運代表團授旗,團長霍啟剛接過旗幟。

緊貼港隊消息,請看明報奧運專網

團長霍啟剛就著咗火紅色嘅西裝外套,喺一眾著住白色套裝運動員之中非常搶眼,仲同區旗同埋台上嘅紅毛毯撞色撞到「嘭嘭聲」。授旗儀式期間,霍啟剛表現雀躍,更舉機同梁振英同運動員一齊自拍,梁振英就好投入咁踎低入鏡!

曾經提過香港體育界無「經濟貢獻」嘅梁振英,今日就喺活動中同運動員講,佢哋能夠參加奧運已經係了不起嘅成就,香港以佢哋為榮,又話運動員刻苦訓練,對體育嘅熱誠同堅持,都會為香港年輕人帶來正能量同莫大鼓勵。

梁振英又致辭講到,剛完成重新發展的香港體育學院,更全面照顧運動員生活、教育和就業各方面需要,仲話籌劃中嘅啟德體育園係另一個重要設施,更說明佢同政府對體育嘅重視添。

其他報道:

陳一冰襲港 盼師弟代圓金牌夢

紀錄片爆選手訓練村有禁藥垃圾 反興奮劑組織拘2肯尼亞醫生助查

香港奧運征途:劉彥恩趕上奧運尾班車 超200背A標逾1秒 苦等兩屆終入奧

朴泰桓上訴得直 將戰里約奧運

警察欠薪 里約變「地獄」

相關字詞﹕編輯推介 里約奧運 梁振英;港隊軍情

上 / 下一篇新聞