港聞

下一篇
上一篇

【Emily Online】港代表再征法國葡萄酒節 戲棚做攤位勁有特色 港「廚魔」炮製竹葉青配鵝肝獲好評 (00:00)

香港代表再度獲邀出席兩年一度法國波爾多葡萄酒節,並再次獲選為10個榮譽城市之一,香港館今年以「中x西」為主題,攤位設計成大戲棚咁款,好有香港本土特色。

其他報道:民建聯公布17新走光黑點 希慎新世紀THE ONE有份

商經局常任秘書長(工商及旅遊)容偉雄同旅發局主席林建岳上月底帶隊,聯同年輕藝術家同人氣廚師一齊宣傳香港,例如米芝蓮三星廚師、有「廚魔」之稱的梁經倫(Alvin)就為紅酒節打頭陣,喺開幕日嘅市長午宴,同當地廚師一齊炮製「中法」菜單,聽聞Alvin設計嘅菜式「燒鵝肝配竹葉青酒」頗受歡迎,嘉賓聞到竹葉青嘅味道都覺得好驚喜。

另一隨團嘅人氣廚師May Chow炮製嘅小食亦頗受歡迎。May嘅餐廳「Little Bao(小包包)」將會有「7月限定」,香港人唔使去波爾多都有機會試得到「港式法國多士」同「法式枝竹羊腩煲」喇。

據講岳少今趟同唔少波爾多著名酒莊見面,好似Lafite Rothschild同Mouton Rothschild,邀請佢哋出席10月嘅香港美酒佳餚巡禮。今年波爾多酒莊會佔44個攤位,將會係場內最大嘅國家或地區展館。

其他報道:【多相:睡婆婆又遇劫】大批熱心巿民捐錢 小女童捐積蓄 護士送暖擁抱

其他報道:【短片:真‧創新】「蔣麗芸」訪問「蔣麗芸」 自問自答抽盡自己水

相關字詞﹕編輯推介

上 / 下一篇新聞