港聞

下一篇
上一篇

【短片:真‧創新】「蔣麗芸」訪問「蔣麗芸」 自問自答抽盡自己水 (13:04)

民建聯蔣麗芸一直都好受網民關注,但睇嚟佢近來貴人事忙,有個幾月無更新Facebook嘅蔣麗芸會客室。不過佢今日就上載新一集短片,估唔到,今集竟然係蔣麗芸訪問自己?

其他報道:【中大生換心】倬朗蘇醒有反應 仍需儀器助呼吸

蔣麗芸一開始已經覺得自己叫自己好生疏,就叫受訪的蔣麗芸做阿Ann,跟住就開始訪問,回顧4年嚟網民津津樂道嘅事蹟。蔣麗芸問阿Ann,介唔介意畀人叫「元秋」,佢就話叫咩都得,但最緊要記得佢叫蔣麗芸喎。

成個訪問蔣麗芸抽足自己水,例如講點解政改投票甩轆,阿Ann就話要「等埋發叔」;又例如前年曾主席建議過佢講少啲無用說話,話佢把聲好刺耳,阿Ann就話唔係把聲刺耳,只係支咪唔得啫。

另外,阿Ann之前同毛記電視創辦人林日曦去旅行,矛盾多多,但佢而家似乎重嬲緊。蔣麗芸問阿Ann點解要同林日曦去旅行,阿Ann就話要安排廣東話翻譯先答,重就咁離開,蔣麗芸只有無奈中止訪問。

對於蔣麗芸自己訪問自己,各位讀者又點睇呢?

其他報道:曾俊華再談年輕人「心中富有」 指對香港未來更有信心

其他報道:台工廠凌晨大火 子衝火場救母雙雙燒死

相關字詞﹕編輯推介

上 / 下一篇新聞