港聞

【Emily Online】萬一落選憂生計?樹根:搵三幾萬,容乜易呀! (10:28)

早前話有意退黨、獨立參選嘅民建聯立法會議員鍾樹根,琴日宣布唔會退黨,將排喺張國鈞名單第二出選港島區;有人從現實出發擔心Treegun萬一席位不保可能經濟會出問題,但Treegun好豪氣咁話唔洗憂:「搵三幾萬,容乜易呀!」

鍾樹根今朝接受商台訪問,講明唔洗擔憂佢嘅生計,話自己稍有積蓄,而且自己「唔係一個冇能力嘅人,搵三幾萬,容乜易呀」。佢打算立法會選舉完之後,先同太太去外地休息下。至於未來,佢話唔係好想再做政黨工作,「咁粗重嘅嘢,留番畀第個做啦」,但佢強調咁並唔係因為嬲豬民建聯冇將佢排喺名單首位,只不過做咗幾十年政黨工作,「做吓其他嘢都得」。

Treegun又話,好多人接觸佢,但佢未有決定,而家要打好選戰先,然後休息下。至於將來會係咩範疇發展呢?佢話公關、形象顧問,純商業等等都有搵過佢。睇嚟,大家真係唔洗為Treegun閉翳,選戰過後,又係一條好漢啦!

其他報道:鍾樹根談與李慧琼關係:李主席德高望重,我哋敬而遠之架啦

其他報道:林鄭稱獲授勳是公務生涯一大榮譽 不涉利益衝突

其他報道:港大學生會參加遊行 但指仍叫下台口號門檻太低

其他報道:示威者燒梁振英紙紮公仔促下台

相關字詞﹕編輯推介 立法會選舉

上 / 下一篇新聞