近期活躍於facebook的立法會議員鍾樹根又有新搞作，佢貼出照片，請網民幫手後製，執走擋喺佢前面嘅灰衫人，網民當然各顯神通，有人幫灰衫人「打格」，有人將樹根個頭當藍球咁打，創意十足。
其他報道：好心人欣賞銀杏館理念 願租出4500呎舖位 租金可彈性安排
自從唔被民建聯推薦排首名參選立法會，樹根聲稱要自立門戶，雖然近期改口風，但仍無改要發展社交網站嘅方向，不時喺facebook貼出影片同抽水文章。噚日，佢又貼出自己喺影樓拍攝嘅照片，仲叫網民幫手後製，仲tag左「#張相見工用」、「#幫幫手」、「#做個好心」、「#有冇photoshop專家」等，成功得到超過2500個讚同400幾個回應。網民將樹根個頭key到唔同人身上，大隻佬有、超人又有。
唔少網民繼續讚樹根個小編夠貼地，「呢個公關抵請啦！」、「高登高手在幕後」，但亦有網民翻炒「網絡23條」，話唔會因為樹根玩吓fb就唔記得佢支持「惡法」。