港聞

下一篇
上一篇

【迷你倉奪命火】聶元風稱「今次面對外星人」 消防處長被指「假眼淚」 聶:極不公平 (16:19)

淘大工業村迷你倉大火燒逾百小時後大致救熄,消防處聯同警察、屋宇署、機電工程署及政府化驗所,組成跨部門專案組調查事件。消防處職工總會主席聶元風表示,將向處方要求讓員方代表列席,同時希望有如外國消防專家等人士加入,「亦不介意由法官領導」。

聶元風指出,今次大火現場環境異常複雜,令「調派上有不暢順」,亦有前線反映「黃金戰衣」散熱難等問題,職工明日會召開理事會會議,望可整合意見,向處方反映。

其他報道:曾俊華指密切留意英國脫歐 稱香港吃「四方飯」 須更努力保國際化優勢

聶又形容今次大火令消防面臨「前所未有的挑戰」,指以往前線進入火場時,熱力從上方及前方湧向其身,「但今次係四面八方,好似入咗多士爐入面」,又形容消防「以往救火係同其他國家打仗,今次面對嘅係外星人」,百多小時中的滅火策略要常變。

他又說,殉職的兩位同袍非「枉死」,「有佢哋搜集畀我哋嘅資料,令我哋知道火場熱力分佈,先可以有效救到火,佢哋有貢獻,非白白犧牲」。

聶元風又提及,消防處長黎文軒不時在現場出現,亦有跟屋宇署長一同進入工廈視察,確保結構安全,「不想樓宇有危險要兄弟送死」。聶指,聽聞有說法形容黎文軒在傳媒面前痛哭為「假眼淚」,認為對他極不公平。

聶憶述,大火首晚張耀升殉職,黎文軒情緒低落得默不作聲,至許志傑殉職當晚黎文軒在現場,後奔至醫院:「佢不斷同許sir講:『撐住啊!兄弟!』,可惜最後救唔返,佢係完全崩潰,接受唔到現實,同其他兄弟、家屬一齊痛哭」,及至當晚在政府總部會見傳媒時仍然按不住情緒「再度失控」:「黎sir唔係其他部門調入嚟,係同我哋出生入死下坐呢個位,佢無顧住涼冷氣唔理兄弟。」

迷你倉發生大火後不足24小時,執行煙帽隊職務的高級消防隊長張耀升殉職。黎文軒隨即下達指令,包括進入火場「進攻」的煙帽隊人員由原來逗留30分鐘減至15分鐘,「佢一直唔明,點解做咗咁多嘢,之後都仲有人殉職,作為處長,好難接受」。

其他報道:【迷你倉奪命火】時昌籲租戶勿進淘大工廈 退回6月部分租金

其他報道:【迷你倉奪命火】時昌創辦人指「二十年工作生涯最傷痛時刻」 供殉職消防遺孀共百萬援助金

相關字詞﹕迷你倉奪命火 編輯推介

上 / 下一篇新聞