港聞

【Emily Online】深圳地鐵貼「龍蝦妹」特權闖關海報 網民笑爆指暗諷特首女行李風波 (11:46)

深圳地鐵上星期日(19日)啟動為期3個月嘅城市軌道交通乘客安全宣傳季活動,宣揚「相互禮讓」、「文明出行」,搵咗成班「海界明星」幫手宣傳點樣謂之安全又文明搭地鐵,包括「烏龜哥」、「八爪魚哥」、「海星弟」和「人魚姐」,仲有……Emily一睇就笑咗出嚟嘅「龍蝦妹」!

其他報道:【紀實圖輯】香港史上最難撲救的一場火 煙火下從未退縮的消防員

呢啲宣傳海報放喺深圳地鐵站內,其中「身光頸靚」、一身紅色衣裝嘅卡通「龍蝦妹」,手挽幾個手提袋掂行掂過安檢通道,冇依規矩接受正常安檢,結果畀旁邊嘅人員截住勸導。海報寫上「龍蝦妹【進站篇】包檢一分鐘,乘車零風險!」,宣傳人人也要通過安檢,確保安全。

有香港網民喺社交網站和討論區分享呢幅海報,有人就懷疑係影射特首梁振英女兒梁頌昕早前的機場遺留行李事件,有人又話「係咪中共有暗示」、「反了反了」、「地球上人人也笑689,相信地球上只有他一家人不知道」,亦有網民讚「難得一次咁有創意」。

其他報道:火場烈焰五顏六色 千度紫火最多見 消防工會:撲救難度史上罕見

其他報道:氧氣用盡 醫生指張耀升嚴重燒傷 消防消息﹕殉職許志傑受創不尋常

相關字詞﹕編輯推介 網上熱話

上 / 下一篇新聞