港聞

下一篇
上一篇

【Emily Online】立法會「新梁營」聚餐 梁美芬:無同長毛鬧交 (17:18)

立法會內出現一個「新梁營」,佢哋議席數目仲有8票咁多,佢哋今日仲首次聚會食大茶飯!不過,此梁營不同彼梁營,佢哋其實係一班姓梁嘅立法會議員走埋一齊聚餐,純粹風花雪月,避談政治或選舉。

呢個梁營飯局由經民聯梁美芬牽頭,會計界梁繼昌協力聯絡促成。梁美芬話議會內應有8名姓梁議員,大家有不同政治背景,今次除咗公民黨梁家傑及經民聯梁君彥離港及有要務辦,其他6人都賞面參加,大家食吓飯溝通下。

除咗梁美芬同梁繼昌,其他出席者包括社民連梁國雄(長毛)、醫學界梁家騮、街工梁耀忠及民建聯梁志祥。佢哋除咗食飯,仲玩埋簽署出席紀念卡,玩得好認真。梁美芬仲話,席間無同長毛鬧交,飯局氣氛融洽。

其他報道:李慧琼談銅鑼灣書店事件 「國家咁大,話無咁嘅事就呃人」 籲珍惜一國兩制

其他報道:身在內地報平安 林榮基子:體現依法治國文明開放、一國兩制有效

相關字詞﹕立法會 編輯推介

上 / 下一篇新聞