港聞

【Emily Online】不打刑事案 石永泰:要兇人 自己性格不合 (11:40)

行外人好無知咁睇,成日都以為做大律師,打刑事案就最有型,不過身為大律師公會前主席嘅石永泰就話,佢主要係打商業同民事案,唔打刑事案,點解有咁嘅選擇呢?

石永泰接受商台節目《雲常開》訪問時解釋,打商業案收入穩定啲,而且刑事案多數唔會牽涉好多文件,好睇急才,「又冇文件,去到又要盤問證人」,好睇自己係咪兇人哋,佢就直言覺得自己性格唔適合。

佢又提到自己開始執業時好上心,心高氣傲、臉皮薄,覺得畀人當住個客面窒好無面,對自我有少少打擊,尤其是預咗會贏嘅案件,但後來學習到制度下法官唔一定要認同自己所講,當你覺得已經盡力解釋,法官仍唔接受論點,咁就同自己講「我哋嘅制度唔包括會贏」。

佢話,佢呢行就好似的士唔可以拒載咁,唔會因為個人信念而唔接案件,即使客人一嚟到財大氣粗,就算令人反感,但嗰單案情強都會同佢講,但如果單案件案情唔好嘅,就要直接盡責任直接勸佢和解。

其他報道:身在內地報平安 林榮基子:體現依法治國文明開放、一國兩制有效

其他報道:TVB節目訪港媽提「贏在子宮裏」 網民狂轟「倒在幼兒班」

上 / 下一篇新聞