港聞

【Emily Online】田北辰指自己是「半怪獸後來從良」 (12:31)

育有一子三女嘅立法會議員田北辰(田二少)成日會公開講教仔心得,今次佢又喺商台節目《雲常開》大談「怪獸家長」,仲講笑話自己係「半怪獸後來從良」。

其他報道:港人生活滿意度遠遜星滬 逾四成人若可選擇會走

田二少話,自己兩個女教育子女嘅方法大不同,一個就係怪獸家長,一個係順其自然,但睇見兩個孫嘅成長,佢直言「對於順其自然果個,我好驚」。佢解釋怪獸家長嗰個孫,未入幼稚園已經「精通」廣東話、英文同普通話,但順其自然嗰個淨係望住你微笑,未能答到問題,「我作為阿公嘅,你話擔唔擔心」,又話如果幼稚園面試時,一個會答問題,一個笑笑口,「你話校長會點取捨丫」。所以佢話,明白怪獸家長點解咁堅持做怪獸家長,因為競爭太厲害。

對於自己又係咪怪獸家長呢?田二少就話,以怪獸家長方式教導頭兩個小朋友,但之後發現「唔係好對路」,佢地承受唔住壓力,所以就慢慢變到順其自然,形容自己「半怪獸後來從良」,佢亦發現「從良後,細嗰兩個係開心啲」。

佢認為「一本天書不能讀到老」,做怪獸家長啱唔啱,完全係睇小朋友係點嘅人,有啲人可以係怪獸家庭下發揮成長,又話假如教錯自己細路,仲慘過咩都唔理佢。

其他報道:曾鈺成出燈謎 事關特首選舉玄機

其他報道:家長舉棋不定 女兼讀3幼園 影響交友 校長﹕家長也要教育

上 / 下一篇新聞