港聞

【Emily Onine】黎明又爆金句 擬助有才能學生製作音樂 (15:22)

歌星黎明近期憑住出色嘅公關技巧成功贏得掌聲,今日佢出席一個文化產業論壇嘅時候,俾主持人鄭丹瑞問到可以點樣為文化產業做番啲嘢,黎明隨即彈出金句話:「我可以做到嘅就係,諗一啲我可以做到嘅嘢去做」。

其他報道:何韻詩600字聲明反擊 促Lancôme法國總公司公開交代

佢話諗住發掘一啲有唱歌、填詞或者作曲才能嘅學生或地下歌手,再由佢自己同林建岳合資嘅公司A Music攞錢出嚟,幫佢地製作音樂,畀樂迷喺新媒體下載,賺到嘅錢就全部放入個基金繼續發展。

黎明話呢個計劃出席論壇前先諗到,「記者會成日都係講嘢唔做嘢,我唔知講咩好,所以我想做嘢」。初步諗只會放「有限錢」落去個計劃,又叫現場嘅林建岳多多支持。

其他報道:撐警團體再現身庭外 李偲嫣高呼「Hong Kong Police Force, you are the best of the world!」

其他報道:憶「八十年代末種種」 陳婉嫻痛惜新生代認為事不關己

相關字詞﹕編輯推介

上 / 下一篇新聞