港聞

下一篇
上一篇

【Emily Online】高永文出席民建聯飯局 冇傾瘜肉事件 與會醫生嘆小錯被放大 (17:16)

民建聯前主席譚耀宗喺伊利沙伯醫院切耳瘜肉被質疑「打尖」事件後,咁啱食物及衛生局長高永文今日中午就應約出席青年民建聯飯局,同一班青民同參與者傾偈,但有與會者就話,大家席間都無特別傾到「打尖」事件,高局長亦無主動提及,反而有年輕公立醫院醫生參加者向高局長訴苦,話有時前線人員犯咗一啲輕微錯誤,但事件會被放大,所以感到壓力。

其他報道:【王毅罵加國記者】潘小濤反駁:只有港人最知港情况,才對港事務有發言權

高永文今日中午應邀出席青年民建聯舉辦嘅「名人飯局」,青民主席顏汶羽話,局長同年輕參加者分享自己入行經歷,由最前線醫生到管理層,再到現時決策局工作。

飯局中有一個青年係公營醫院醫生,佢同高局長講,而家有時有啲微細同難以避免嘅錯誤,會被放大報道,又話前線年輕醫生壓力好大,問局長可以點處理。

高永文就話,自香港民主化開始,不單醫療,甚至其他範疇都一樣,透明度增加。佢話咁的確會對前線醫護人員造成壓力,而佢自己係由最前線醫生做起,深深明白壓力。不過,高永文話,只有不斷完善優化制度,先可以減少錯誤發生。

顏汶羽話,高局長平易近人,又話雖然大家對醫療同食物安全有好多訴求,但都係建設性建議,而席間無談及特首選舉或者高局長係咪繼續挺特首梁振英。

其他報道:失落喇沙 內地家長批派位方法不公:我個仔樣樣精通又喺香港出世

其他報道:千萬元置業 萬元興趣班 女兒獲派小一首志願 母讚好值得

相關字詞﹕編輯推介

上 / 下一篇新聞