港聞

【Emily Online:乜咁啱呀?】田北俊驚見聯歡晚宴抽獎券號碼「0689」:唔怪得之抽唔中 (00:37)

以「抽水」聞名「田少」田北俊深夜又喺facebook發功,今次佢貼咗一張相片,見佢呆呆地擺出唔知點好嘅表情拎住一張聯歡晚宴獎券,原來券上號碼竟然係「0689」!佢就留言話:「D(啲)同事可唔可以check清楚D(啲)抽奬飛冧巴先俾(畀)我?!」

圖片所見,田少參加「自由之友」嘅頌親恩聯歡晚宴,拎住咗晚宴嘅獎券,咁啱獎券號碼係「0689」,一向同特首梁振英不咬弦嘅田少,咁啱抽到同梁振英咁密切嘅數字,於是忍唔住喺留言入面hashtag咗「#唔怪得之抽唔中」、「#找亮點」、「#無處不在」同「#灰爆」。

有網民就笑田少,話其實同事已經check得好清楚、無畀錯,亦有人笑言「你已經中咗獎」、「張飛就係特別大獎」!

其他報道:被「遣返難民大聯盟」fb指成南亞裔 教協總幹事馮家強高呼:我係香港人

其他報道:梁振英評林鄭曾俊華「得力助手」 笑稱無與兩人討論參選問題

相關字詞﹕田北俊 梁振英 抽水

上 / 下一篇新聞