港聞

【Emily Online】天文台掛三號波 鍾樹根fb標籤寫「測極都唔準‬‪」、「執_左佢啦」 (17:52)

天文台噚晚發出今年第一個熱帶氣旋警告,今朝又改發三號強風信號,按天氣情況去變更。不過民建聯立法會議員鍾樹根似乎唔多like喇,今日喺facebook分享咗一段佢日前喺立法會就教育局「遲咗」喺紅雨發出停課通知一事,質詢教育局長吳克儉。不過,分享呢段片嘅鍾議員醉翁之意不在酒,因為貼文的標籤(hashtag)擺明係對天文台表達不滿。

相關報道:【短片】 鍾樹根「月是故鄉明」宣傳車出師不利 首航被抄牌 

鍾樹根的fb貼文,表面係一條政府影片連結,內容係「就有關發出暴雨警告信號及宣布停課事宜向教育局局長吳克儉提出質詢」,但睇返文尾標籤就個個有骨,內容係:#咁大個台、#測極都唔準‬、#琴晚話改掛三號機會不大、#點知今朝一起身‬、#天文台、#執_左佢啦‬。似乎不滿天文台呢頭話掛三號波機會不,嗰頭就即刻掛咗個三號波。

相關報道:【短片】傳來屆選舉或被「叮走」 鍾樹根:未聽過呢個傳聞

其他報道:菲候任總統發誓戒粗口

相關字詞﹕編輯推介

上 / 下一篇新聞