港聞

【短片:Emily Online】百歲舊油麻地警署「退役」變報案室 9層高大樓明起投入服務 (22:50)

位於廣東道627號嘅油麻地警署屬於二級歷史建築,外型極具特色,同時亦係唔少電影、電視劇取境之處。不過呢幢接近100歲嘅警署要「退役」喇,事關友翔道嘅新油麻地警署聽日正式投入服務,而舊址唔會荒廢或拆卸,會保留作報案中心。

警方喺facebook公布有關消息,仲以短片介紹話新警署樓高9層,報案室設有輪候服務系統,將查詢或報案嘅市民分流,可以提高警員處理效率咁話。市民又會被安排到設有分隔屏風嘅櫃台,獨立空間可提高報案人私隱度。

有網民留言讚新警署好靚,又問會唔會舉行開放日,但亦有網民話鍾意舊差館多啲。講到尾,巿民都唔希望入官門,咁就代表香港治安良好。

其他報道:警機動部隊總部強姦案提堂 清潔管工申保釋被拒

其他報道:警fb宣傳道路安全行動 網民問「逆線行車點計」掀罵戰

相關字詞﹕警察 警署

上 / 下一篇新聞