港聞

【Emily Online】點睇吳克儉連任? 教聯副會長蔡若蓮:睇唔到有咩理由要佢做多屆喎 (18:05)

教聯會副會長蔡若蓮今日開記招,話最遲6月底宣布係咪參選立法會教育界功能組別議席,講到近年教育,佢批評制度過時,「要罵局長(吳克儉),局長一日未落台,一日都要佢做嘢」,有記者問佢點睇吳克儉連任,蔡即時好詫異咁講「我睇唔到有咩理由要佢做多屆喎」。

其他報道:城大塌天花現場為臨時試場 目擊者:巨響兼地震女生跑出叫快走

講完局長又點少得講埋特首,蔡話「欣賞特首勤力做到嘢」,不過溝通能力就有改進空間,仲話「香港應該要有個好啲嘅特首」,要民望高同勤政愛民,唔知CY有冇呢兩個條件呢?

蔡若蓮做過教育局教育局高級學校發展主任、課程發展處高級課程主任,現任褔建中學(小西灣)校長,加上教聯背景,唔多唔少都有啲建制味,但蔡話自己屬於「中間派」,又叫大家唔好因為褔建中學係「左校」而將佢標籤做某一派別。

蔡現時正爭取教聯會支持,但教聯講明唔會派人出選,換言之如果蔡決定參選,就將會以個人名義出選,「為教育而戰」咁話。

其他報道:回應張德江 王永平盼京審視官員以愛國之名違「港人治港」初心

其他報道:倡議員「跟住矛盾去外訪」建互信 立法會前秘書長爆料 指曾有實例由貼錯門神變孖公仔

相關字詞﹕教育

上 / 下一篇新聞