港聞

下一篇
上一篇

【Emily Online】51歲陳智思憶與罕見病搏鬥30年經歷:目標是活到50歲 (12:00)

有「公職王」之稱嘅陳智思,外表健康,仲係「降低食物中鹽和糖委員會」主席,但佢憶述當年患上長期罕見血管病,發現初期頻頻入醫院,坦言人生目標只係「活到50歲」。

其他報道:劉兆佳稱敏感時刻張德江訪港穩定人心 讓港人有盼望

陳智思喺商台節目《雲常開》分享30年來同病魔搏鬥嘅經歷:18歲讀緊大學,發現患上一個今時今日仍然冇方法治療嘅罕有血管病,頭十年差唔多每半年就要入院,幾年間做過3次搭橋手術,佢話因為呢個病,要生活完全改變過嚟,變得健康,頭十幾廿年有好多唔明朗因素,甚至產生過自殺念頭,只希望過到6個月又6個月,因為知道自己「冇能力、冇資格諗到咁遠」。

佢又提到,知道患上罕有病嘅初期,都係處於逃避階段,唔想接受醫唔好嘅事實;之後就進入埋怨階段,「覺得世界欠咗我」,但好彩最後能走出嚟,接受現實,「呢個係我生命,我要deal with(處理)佢」。

好多人都話而家嘅人抗逆境能力低,陳智思話曾經有人叫佢用自身經歷安撫其他有困難嘅人,但佢覺得「講兩句嘢,嗰個人就會接受、就會開朗,都係呃你」,佢認為「路係要自己行出嚟,冇short cut(捷徑),叫佢正面睇,講就咁易,面對嗰個唔係你」。有宗教信仰嘅陳智思當時自己諗通,「主覺得我生命係短嘅,fine,我最少都要享受生活,行我條生命」。

今年51歲嘅陳智思,上年終於「達標」,但當其他人問佢有冇5年或10年大計,佢仍然會答「從來都唔會定一個好遠嘅目標,目標係要對得住自己,過得到」。

其他報道:馬逢國批記者會議廳外食飯 立會前秘書長:冇衛生問題

相關字詞﹕編輯推介 健康

上 / 下一篇新聞