港聞

【Emily Online之張德江訪港】等合照等演講 劉迺強不適由輪椅送走:企得耐血上唔到上半身見暈 (14:55)

全國人大委員長張德江今朝會見社會各界人士,發表大約20分鐘演講,其間基本法委員會委員劉迺強身體不適,張德江隨即慰問佢,又叫職員搵張櫈畀佢坐吓。而張德江演講完畢後,絕大部分在場人士都有拍手,唯獨前政務司司長陳方安生雙手交握,並冇拍手。

其他報道:【張德江訪港】訪將軍澳老人院 對面欣明苑現「我要真普選」直幡

張德江今朝喺政總會見200幾位社會各界人士,當佢提到香港經濟發展期間,演講突然中斷,佢嗌「找把椅子」、「很抱歉,我說話長了」、「醫生來一下」,原來係因為佢見到年近70歲嘅劉迺強身體唔舒服。張德江慰問咗劉幾次,又話「我不長說了,大家站着很辛苦」。

最終喺演講尾聲,有人推輪椅送劉迺強離場。張德江問咗幾次「沒問題吧?」、「抱歉讓你多等了」,仲叫在場人士畀啲掌聲劉迺強。

劉迺強其後回應,話自己由於等咗個幾鐘影大合照、企得太耐,啲血上唔到上半身所以見暈,稍作休息已經冇大礙,唔使送院。

其他報道:【張德江訪港】張:拋棄基本法一國兩制,香港必爛無疑

其他報道:將軍澳居民貼標語「迎」張德江 諷塞車斷人衣食

相關字詞﹕張德江訪港 編輯推介

上 / 下一篇新聞