港聞

【Emily Online】委員長到訪 前線警趕買「四正」西裝應付會場站崗 (11:52)

全國人大委員長張德江今日起訪港三天,警方總動員抽調人手應付今次「反恐保安行動」,Emily聽講警方近日抽調人手已達佔領行動嘅級別,第一至三梯隊(Tier 1-3)嘅人手總動員出勤。

其他報道:張德江中午抵港 停機坪採訪 記者安檢被抽起雨傘黃巾

不過,有別佔領時戶外執勤,今次要動員唔少警力作場內保安,Emily同警隊中人傾開,聽講有唔少被抽調到場內保安工作嘅前線警察,都要趕去買套比較「四正」嘅深色或黑色西裝,以便喺會場內站崗,無端端又要用多一筆錢,「唔能夠着出席婚禮嘅西裝啦,西裝唔能夠有花邊」。

今次場內保安應該好嚴密,需要唔少警察喺會場內,故保護要人組嘅警力不足應付,需調動其他警區人員到會場,有別佔中嘅係今次反恐特勤隊都要出動。

至於大家關注警方會點應對示威者嘅「高空戰」,如出動航拍機,有警隊中人指擊落航拍機嘅機會不高,因擊落後墜機易壓傷路人,所以或者會透過儀器去干擾航拍機。

其他報道:專家解構應對無人機3方法 攬炒、腦癌都有可能?

其他報道:社民連採「計中計」筆架山掛「真普選」直幡 促京官勿扮盲

相關字詞﹕張德江訪港

上 / 下一篇新聞