港聞

【Emily Online】楊岳橋收「扮帛金」捐款 小秘書Monday blue一掃而空 (16:22)

公民黨楊岳橋之前收到11蚊帛金,抬頭寫住寄畀「廢青楊岳橋」;點知楊岳橋今朝喺facebook話又收到帛金,不過今次其實只係「扮帛金」,係楊嘅支持者同義工團用白信封包住嘅捐款。

其他報道:【消委會】終止寬頻程序繁複 搬屋改新約遭收2份月費

楊岳橋話「一早返工收到成堆扮帛金2.0」,5封「扮帛金」,抬頭分別係「肥仔楊岳橋」、「茂利楊岳橋」,仲有各式圖案嘅郵票,例如楊岳橋大頭、whatsapp公仔等等。楊岳橋話收到呢啲信真係令小秘書嘅Monday blue(星期一憂鬱)一掃而空,會馬上安排送上「This AY糖」。

‬帛金事件回帶,話說今個月初立法會審議撥款條例草案時,民建聯蔣麗芸詛咒建議削減消防處開支嘅人民力量陳志全「殉職」,楊岳橋就話議事堂百無禁忌,仲叫蔣麗芸畀帛金。之後,楊岳橋辦公室就收到11蚊帛金,不過楊岳橋無「嬲豬」,仲叫寄信畀佢嗰位仁兄去立法會拎返包「This AY」糖做「回禮」。

其他報道:經歷失敗婚姻 劉鳴煒笑言:見過鬼怕黑!

功課問題爭執 裝修工兩摑女兒致耳鼓受損罰5000元 求情指僅單一事件

相關字詞﹕編輯推介

上 / 下一篇新聞