港聞

【Emily Online】王國興持橫批抗議:若拉布有半點成果,我食咗個橫批佢! (17:19)

立法會大會連續3周流會後,今早恢復審議《撥款條例草案》。開會前,攜着「金鉸剪」及寫有「拉布徹底破產」橫批的工聯會議員王國興, 於會議廳外向記者展示道具及橫批,抗議議員「拉布」,並聲言:「佢哋咁樣肆意拉布,可以有任何成功爭取半點一點成果,我公開向全港市民,收返呢個橫批,食咗佢!」

其他報道:【特別待遇?】涉毆傷港人母女 內地女走法庭職員通道離開 梁振英曾蔭權只走公眾通道

期間他遇上社民連議員梁國雄,引發爭執。王國興事後指摘梁國雄動手打他,「我都學過武功嘅,所以當時情形,我感覺到並未受傷。隨後佢再郁手打我心口,不過我亦都卸咗佢度力啦」。他又強烈譴責梁國雄行為,但指傳媒已報道事件,「公道自在人心」,毋須報警。

梁國雄則反駁,指王國興先觸碰他,他於是順勢推開對方,「就係咁簡單,佢講乜都得啦」。他之後在facebook揶揄王國興「食橫批論」,質疑只是「講吓」。

立法會近年不時出現「拉布」,早前審議被稱為網絡23條的《2014年版權(修訂)條例草案》,就因「拉布」最終「中止」審議,不會於本屆政府任期內重推。

其他報道:【選立會】王維基親證擬參選港島或新東 棄加拿大國籍 政綱主要三字:換特首

其他報道:【選立會】王維基年初指生意人不提政治「富不與官鬥」 看不到入立會有作用

相關字詞﹕編輯推介 王國興 拉布

上 / 下一篇新聞